 |
| طريقة اعداد الملاوي التونسي المقادير :500غ فارينة و 125غ سميد ارطب و مغرفة صغيرة ملح و ماء دافئ للعجن و زبدة مذوبة و زيت للتوريق الطريقة : فى صحفة اتحط الفارينة و السميد و الملح و اتزيد الماء بالشوية و تُعجن بالباهى لين تتحصل على عجينة طرية اتقسمها كوريات الحجم الى اتحب عليه و تدهنهم من الفوق بشوية زيت و اتغطيهم يرتاحو درجين و اتذوب 50غ زبدة و اتخلطهم مع الزيت و اتحطهم فى صحفة و فى البلاصة الى ماش تخدم عليها تدهنها بالزيت و تاخذ كعبورة و اتحلها بيدك و تدهن بخليط الزبدة و الزيت اثناء الحلان و اتحلها رهيفة بالباهى حتى كان تتقطع نورمال ما اتحافش و بعد اتلمدها من الطرف بالطول و اتشدها على أطراف زوز صوابعك و ادورها و ادخل اخر الطرف فى الوسط و اتحطها ترتاح و اتكمل الكعبات الكل بنفس الطريقة و بعد اتحط الطاجن يسخن و اتحل الكعبة و اتحطها اطيب و اقلبها من الجيهتين و بعد اتقدمها مالحة و الا حلوة حسب الرغبة وبالشفاء |